ကျွန်တော်မေး၍ သူဖြေသည်

             “ ကျွန်တော်မေး၍ သူဖြေသည် ”

ကလေးမလေးက .. ကျွန်တော်မေးတာကို မဖြေချင်ပုံပဲ ..
ခေါင်းငုံ့ထားတယ် .. ကိုယ်လေးကြုံ့ပြီး သက်ပြင်းတွေချနေတယ်
“ ဦးလေးကြီး သမီးကို သနားပါနော် .. ဦးလေးကြီးတို့ ပေးမှ ကျွေးမှ စားရမယ့်ဘ၀ပါ ”
ကျွန်တော်လိုချင်တာ အဲဒီအဖြေမဟုတ်ဘူး ..
ကျွန်တော် လိုချင်တဲ့အဖြေကို မရ ရအောင်မေးဖို့ဆုံးဖြတ်လိုက်တယ်
“ မင်း အခုလို လိုက်တောင်းစားနေတာ ဘယ်လောက်ကြာပြီလဲ .. ငါမေးတာကို မင်းဖြေရင် ..
  မင်းလိုချင်တဲ့ ပိုက်ဆံကို ငါပေးမယ် .. မင်းတစ်ခါမှ မရဘူးတဲ့ ပိုက်ဆံမျိုး ရစေရမယ်ကွာ ”
ကောင်မလေး ခေါင်းမော့လာတယ် .. သူ့မျက်ဝန်းက ၀မ်းနည်းမှုအပြည့်နဲ့ .. ရီဝေစွာနဲ့ ကျွန်တော့်ကိုမော့ကြည့်တယ်
“ ဦးလေးက ဘာလို့ သိချင်တာလဲ .. သမီးကို ပိုက်ဆံမပေးချင်လဲ သမီး သွားတော့မယ် ”
ကလေးမလေး သူ့ခွက်လေးကိုင်ပြီး ထလိုက်တယ် ..
“ ဒီမှာကြည့် .. ငါမေးတာကို မင်းဖြေရင် ဒီ၅၀၀၀တန်ကို ပေးမယ်ကွာ .. ”
ကောင်မလေး မျက်လုံးတွေက ငွေ၅၀၀၀တန်စီ ရောက်သွားတယ် ..
“ ဦးလေးကြီး သမီးကို တကယ် ၅၀၀၀ ပေးမှာလား .. ” သူ့မျက်ဝန်းက ၀မ်းနည်းနေရာကနေ ၀င်းလဲ့သွားတယ်
“ အေးလေ .. တကယ်ပေးမှာပေါ့ .. ဒါပေမဲ့ ငါမေးတာတွေကို မင်းဖြေမှ ဒီပိုက်ဆံကို မင်းကို ပေးမယ် .. ကဲ ဘယ်လိုလဲ ”
“ မေး .. သမီး ဖြေမယ် .. ” ကလေးမလေးပုံစံက မေးသမျှကို ဖြေဖို့ အသင့်အနေထား
“ ကောင်းပြီ မင်းအခု ဒီငွေ ၅၀၀၀ ကို ရရင် အရင်ဆုံး ဘာလုပ်မလဲ .. ”
ကလေးမလေး တစ်ချက် စဉ်းစားတယ် ..
“သမီး ဒီနေ့ လိုက်မတောင်းတော့ဘူး .. အိမ်က အမေနဲ့ မောင်လေးတွေအတွက် .. ထမင်းထုပ်သွားဝယ်မယ်
  ပြီးရင် .. ဈေးချိုထိပ်မှာ တွန်းလှည်းနဲ့ရောင်းနေတဲ့ တစ်ထည်ကို 500 တန် အင်္ကျီလှလှလေးနှစ်ထည်လောက်
 စိတ်ကြိုက်ကို ထိုင်ရွေးလိုက်မယ် .. သမီး အဲဒီအင်္ကျီလှလှလေးတွေ လိုချင်နေတာကြာပြီ ဦးလေးကြီးရ .. ”
“ နေပါဦး .. မင်းမှာ အဖေမရှိတော့ဘူးလား ..”
“ ရှိတယ် .. အဖေနဲ့အမေကကွဲနေတာ .. အငယ်ဆုံးမောင်လေးမွေးပြီးတော့ အဖေက အမေနဲ့သမီးတို့ကို ထားပြီး
  နောက်မိန်းမနဲ့ ထွက်ပြေးသွားတယ် .. အဖေက အရက် အရမ်းသောက်တာ .. သောက်ပြီးရင်လဲ အရမ်းဆိုးတယ်
  အမေ့ကိုလဲ အရမ်းရိုက်တယ် .. သမီးကိုလဲ ရိုက်တယ် .. အဖေ့ကို သမီး မုန်းတယ် ”
“ မင်းအမေကကော ဘာအလုပ်လုပ်လဲ .. မင်းလိုပဲ တောင်းစားတာပဲလား ”
“ ဟုတ်တယ် ..အမေနဲ့ သမီးက နေရာခွဲပြီး တောင်းတာ .. အမေက (၅)ရပ်ကွက်လောက် လိုက်တောင်းတယ် ..
  သမီးကတော့ .. ရပ်ကွက်(၁၀)ခုလောက် ရောက်တယ် .. ဒါတောင် ထမင်းထုပ်မ၀ယ်နိုင်တဲ့နေ့တွေရှိတယ် ”
“ မင်းတို့အပြင်ထွက်ပြီး တောင်းနေတဲ့အခါ .. မင်းရဲ့ မောင်လေးတွေကို ဘယ်သူထိန်းလဲ ..
  သူတို့ကကော ဘယ်အရွယ်ရောက်ပြီလဲ .. ”
“ မောင်လေးအကြီးက ၇ နှစ် .. မောင်လေး အငယ်က ၅ နှစ်ပဲ ရှိသေးတယ် .. သူတို့ကို ဘေးအိမ်က အဒေါ်ကြီးက ထိန်းပေးတယ် ”
“ ဒီလောက်ငယ်တဲ့အရွယ်လေးတွေကို ဘေးအိမ်ကိုပေးခဲ့တယ် ဟုတ်လား .. ဘေးအိမ်ကကော သေချာထိန်းပေးရဲ့လား .. ”
“ ဘေးအိမ်က အဒေါ်ကြီးက သဘောကောင်းတယ် .. သူ့ယောက်ကျားက သေသွားပြီ .. သူ့အိမ်မှာ သူတစ်ယောက်တည်းနေတာ ..
  ဘယ်သူမှမရှိဘူး .. သမီးရဲ့မောင်လေးတွေကို သူက ချစ်တယ် .. သမီး တောင်းပြီးလို့ အိမ်ပြန်ရင် သူ့အတွက် စားစရာဝယ်ပေးရတယ် ”
“ အဲဒီအဒေါ်ကြီးကကော ဘာလုပ်လဲ .. ”
“ အဒေါ်ကြီးက ဘာမှလုပ်ဖူး .. သူက လမ်းကောင်းကောင်းမလျှောက်နိုင်ဘူး .. ဒူးနာ ရောဂါရှိတယ် .. မနက်ဆိုရင် သမီးက သူ့အတွက် ..
  ထမင်းထုပ်နှစ်ထုပ် ၀ယ်ပေးခဲ့တယ် .. တစ်ထုပ်က သူ့အတွက် .. ကျန်တဲ့တစ်ထုပ်က မောင်လေးတွေကို သူကျွေးဖို့အတွက် ”
အော် သူ့လို သူတောင်းစားတောင်မှ ကလေးထိန်း ကို ထမင်းထုပ်ပေးပြီး ထိန်းခိ်ုင်းပါလား .. ကျွန်တော် သဘောကျပြီး ပြုံးမိတယ်
“ မင်းပြောတဲ့ ထမင်းထုပ်က ဘယ်လိုမျိုးလဲ .. ”
“ ထမင်းထုပ်လေ .. မသိဘူးလား .. အသားတော့မပါဘူး ထမင်းရယ် ဟင်းအနှစ်ကို နယ်ပြီး ဖက်နဲ့ထုပ်ထားတာလေ ”
ကျွန်တော် တကယ်မသိဘူး .. သူပြောတဲ့ ထမင်းထုပ်ကို မျက်လုံးထဲ ပုံဖော်ကြည့်မိတယ်
“ အဲဒီ ထမင်းထုပ်က ဘယ်လောက်ပေးရတာလဲ .. ”
“ ထမင်းထုပ်အသေးက ၁၀၀ .. ထမင်းထုပ်အကြီးက ၁၅၀ ပေးရတာ ဦးလေးကြီး ”
“ မင်း တစ်နေ့ကို လိုက်တောင်းရင် ပုံမှန် ဘယ်လောက်ရလဲ .. ”
“ ပုံမှန်တော့  မရှိဘူး .. ရတဲ့အခါလဲ ရတယ် .. မရတဲ့အခါလဲ ရှိတယ် .. ကံကောင်းရင် ၅၀၀ လောက်ရတယ် ..
  ကံမကောင်းတဲ့အခါ .. ၃၀၀ ဆိုတာ အများဆုံးပဲ .. ”
“ အခုကော မင်းဘယ်လောက်ရနေပြီလဲ .. ”
ကလေးမလေးက သူ့အိပ်ထဲက ပိုက်ဆံ အစုပ်အပြဲလေးတွေကိုထုပ်ပြီး ရေလိုက်တယ်
“ ၁၇၀ ရပြီ ဦးလေးကြီး .. ”
“ အမယ် .. မင်းပိုက်ဆံရေတာ မြန်သားပဲ .. ကျောင်းက ဘယ်နှတန်းထိနေခဲ့ဘူးလဲ ”
“ အဖေ အိမ်က ထွက်မသွားခင်တုန်းက သမီးကျောင်းနေခဲ့တယ် .. ၄ တန်းထိ နေခဲ့ဘူးတယ် ..
  အဖေလဲ အိမ်ကထွက်သွားရော .. သမီးလဲ ကျောင်းထွက်ပြီး ဒီအလုပ်လုပ်ရတာပဲ .. ”
“ မင်းအဖေကကော အရင်က ဘာလုပ်လဲ .. ”
“ သူက တွန်းလှည်းဆွဲတယ် ဦးလေးကြီး .. ဈေးက အသီးနှံတွေကိုတွန်းလှည်းနဲ့ လိုက်ပို့ပေးတာလေ ”
“ နေပါဦး မင်းအသက်က ဘယ်လောက်ရှိပြီလဲ .. ”
“ သမီးအသက်က ၁၃ နှစ် .. ဦးလေးကြီး မေးတာ မပြီးသေးဘူးလား .. သမီးအိမ်ပြန်ချင်ပြီ .. ၅၀၀၀ ပေးတော့လေ ”
ကလေးမလေးက အလည်လေးပဲ .. ကျွန်တော်မေးသမျှကို ချက်ချင်း ပြန်ဖြေတယ် ..
သူ့ကြည့်ရတာ သွက်သွက်လက်လက်နဲ့ ကျောင်းနေရင် စာတော်မယ့်ပုံလေး .. သူ့ကို အဖြူအစိမ်း ကျောင်းဝတ်စုံလေးနဲ့ မျက်လုံးထဲမြင်မိတယ်
“ ပေးမှာပါကွ .. နည်းနည်းလောက် ထပ်မေးချင်သေးတယ် .. မင်းကလဲ အေးဆေးပေါ့ကွာ ..    ၅၀၀၀ ကြီးတောင်ရမှာပဲ .. စိတ်ရှည်လေကွာ ”
“ သမီးက အိမ်ပြန်ပြီး အမေနဲ့မောင်လေးတွေကို ကြွားချင်လှပြီ ..
  သမီးဒီနေ့တောင်းတာ ၅၀၀၀ ရတယ်လို့ ပြီးတော့ ဒီနေ့ထမင်းထုပ်ကို ၀က်သားနဲ့ဝယ်မယ်
  အမေ့နဲ့မောင်လေးတွေအတွက် အင်္ကျီလဲ ၀ယ်ရမယ် .. မောင်လေးတွေကစားဖို့ အရုပ်သေနတ်လေးလဲ ၀ယ်မယ် ..
  သမီးက ဘိုမရုပ်လေး လိုချင်နေတာကြာပြီ ”
“ ဟေ့ .. မင်းလိုချင်တာတွေက များလှချည်လားကွ .. ငွေ ၅၀၀၀ နဲ့ကော လောက်ပါ့မလား .. ”
“ လောက်တာပေါ့  .. အများကြီးပိုသေးတယ် .. ပိုတဲ့ပိုက်ဆံကို အမေ့ကို ပေးမယ် .. အမေ့မှာ အကြွေးဆပ်စရာတွေရှိတယ် ဦးလေးကြီးရ ”
“ အေးပါ .. ဦးအများကြီး မမေးတော့ပါဘူး .. မင်း တောင်းစားတဲ့အလုပ်မဟုတ်ပဲ တစ်ခြားအလုပ် မလုပ်ချင်ဘူးလား .. ”
“ သမီးက ဘာမှလုပ်တတ်ဘူး .. တောင်းပဲတောင်းစားတတ်တာ ”
ကျွန်တော် စိတ်မကောင်းဖြစ်မိသွားတယ် .. ပိုက်ဆံလိုက်တောင်းနေတဲ့အလုပ်ကိုလုပ်တဲ့အတွက် ..
ဒီကလေးမလေးရဲ့စိတ်ထဲမှာ ငါ ပိုက်ဆံပဲလိုက်တောင်းတတ်တယ် .. ဘာမှမလုပ်တတ်တော့ဘူးလို့ သူ့စိတ်ထဲမှာ စွဲမြဲနေတယ်
“ မင်းလုပ်တတ်တဲ့အလုပ်တွေအများကြီးရှိတယ် .. ဦးပြောတာကို သေချာမှတ်ထား .. မင်းမှာ လက်နှစ်ဖက် ခြေထောက်နှစ်ဖက်
  သန်သန်မာမာကြီးရှိသေးတယ် .. ဟုတ်တယ်နော် .. အဲဒါတွေကို အသုံးချပြီး မင်း အလုပ်တွေအများကြီးလုပ်လို့ရတယ် ”
“ သမီးက ဘာမှ မလုပ်တတ်တာ .. ဘယ်သူက သမီးကို အလုပ်ပေးမှာလဲ ဦးလေးကြီးရ ”
ကလေးမလေး အဲလိုမေးလိုက်တော့ .. ကျွန်တော် သူ့အတွက် အလုပ်တစ်ခုကို စဉ်းစားတယ်
ကျွန်တော့်ဆိုင်ရှေ့မှာ ဗန်ဒါပင်ကြီးတစ်ပင်ရှိတယ် .. အရွက်တွေကလဲ နေ့တိုင်းကိုကြွေတယ်
ကျွန်တော် တစ်နေ့ကို သုံးခါလောက် ဆိုင်ရှေ့ထွက်ပြီး အမှိုက်လှဲရတယ်
“ ဦး မင်းကို အလုပ်ပေးမယ် .. မနက်ဖြန်က စပြီး မနက်တစ်ခါ .. ညနေတစ်ခါ  ဦးဆိုင်ရှေ့မှာ ကြွေကျနေတဲ့ ဗန်ဒါရွက်တွေကို
  မင်းက လိုက်ကောက်ပြီး အမှိုက်တောင်းထဲထည့်ပေးရမယ် .. သေချာပြောင်အောင် လုပ်ပေးရမှာနော် ..
  အဲလိုလုပ်ပေးရင် ဦးက မင်းကို နေ့တိုင်း ငွေ၂၀၀ ပေးမယ် .. ဘယ်လိုလဲ .. မင်း လုပ်မလား ”
“ လုပ်ပေးမယ်ဦး .. အဲလိုလုပ်ပေးရင် တစ်နေ့ကို ၂၀၀ အမြဲတမ်းပေးမှာနော် .. ”
“ အေးပေါ့ .. နေ့တိုင်းလာလုပ်ကွာ .. တကယ်လို့ ဗန်ဒါရွက်တွေ မကြွေလို့ အမှိုက်မရှိရင် ..
   ဦးဆိုင်ထဲမှာ တံမြက်စီးလှဲပေးရမယ် .. ဟုတ်ပြီလား ”
“ အင်း .. လာလုပ်ပေးမယ် .. အခုပဲ ဦးဆိုင်ရှေ့က ဗန်ဒါရွက်တွေကို ကောက်ပြီး အမှိုက်ပုံးထဲထည့်ပေးမယ် .. ”
ကလေးမလေး ကျွန်တော့်ဆိုင်ရှေ့က ဗန်ဒါရွက်တွေကို တစ်ခုမကျန်လိုက်ကောက်ပြီး အမှိုက်ပုံးထဲ ထည့်လိုက်တယ်
ကျွန်တော် သဘောကျသွားတယ် .. အလုပ်ကို အချိန်မဆွဲပဲ လုပ်ချင်တဲ့စိတ် သူ့မှာရှိတယ်
အမှိုက်တွေအားလုံးလဲ သူကောက်ပြီးကော .. ကျွန်တော့်ဆီကို ပြန်ရောက်လာတယ်
“ မင်းကို ဦးက ၅၀၀၀တန် မပေးဘူး .. ၅၀၀တန် ၆ရွက်နဲ့ ၁၀၀၀တန် ၂ရွက်ခွဲပေးမယ် .. ဘာလို့လဲဆိုတော့ ..
  မင်း ၅၀၀၀တန်ကြီး ကိုင်ထားတာ မြင်ရင် အားလုံးက တစ်မျိုးထင်နေလိမ့်မယ် ”
ကလေးမလေးက  ခေါင်းကုပ်ပြီး ကြည့်နေတယ် .. ကျွန်တော် ပြောတာကို သူသေချာနားမလည်တဲ့ပုံပဲ
ကျွန်တော်သူ့ကို ပိုက်ဆံထုပ်ပေးလိုက်တယ် .. သူ့ပုံစံလေးက အရမ်းကို ပျော်ရွှင်နေတယ်
တစ်ခါမှ ဒီလောက် ငွေအများကြီးကို မကိုင်ဘူးတော့ ..သူ စိတ်လှုပ်ရှားနေတယ်
“ အခု မင်းလိုချင်တဲ့ဟာတွေကို ၀ယ်ပြီးရင် အိမ်ကို တန်းပြန် ..
  အိမ်ရောက်ရင် မင်းအမေကိုသေချာရှင်းပြပြီး ကျန်တဲ့ပိုက်ဆံတွေကို အပ်လိုက် ..
  မနက်ဖြန်ကစပြီး မင်း ဦးဆီမှာ အလုပ်လာလုပ်ရမယ် .. ဟုတ်ပြီလား ”
“ ဟုတ် .. သမီး နေ့တိုင်းလာပြီး လုပ်ပေးပါ့မယ် .. ”
ကလေးမလေးက ပိုက်ဆံတွေကို သူ့လွယ်အိပ်လေးထဲကိုသေချာထည့်တယ်
“ ဦး သမီးသွားတော့မယ် နောက်နေ့ကျရင် လာခဲ့မယ် .. ” ပြောပြီး ခုန်ပေါက် ပျော်ရွှင်စွာ ထွက်သွားတယ်
ကျွန်တော် သူ့ကို ငေးကြည့်နေရင်း စိတ်ထဲမှာ တွေးလိုက်မိတယ် ..

ကျွန်တော် သူ့အတွက် ခဏတာ ပျော်ရွှင်မှုကိုပဲ ဖန်တီးပေးလိုက်နိုင်တာပါ
သူ့ဘ၀တစ်သက်တာ ပျော်ရွှင်မှု .. ဘ၀မှာ မျက်နှာမငယ်ပဲ ရဲဝင့်စွာ ရင်ဆိုင်ဖြတ်သန်းနိုင်အောင်
ဘယ်လိုမျိုး အခြေနေတွေက ဖန်တီးပေးနိုင်မလဲ ........
....................

မိဘမဲ့ကလေးကျောင်းဆိုတာ မိဘမဲ့တဲ့သူတွေ .. မိဘမရှိတော့တဲ့သူတွေကိုပဲ လက်ခံလေ့ရှိပါတယ်
မိဘရှိပြီး .. ခိုကိုးရာမဲ့နေတဲ့ (သို့) လောကမှ ခက်ခဲကြမ်းတမ်းစွာ ရှာဖွေစားသောက်နေရတဲ့
အခုလို ကလေးငယ်မျိုးတွေ ကျွန်တော်တို့နိုင်ငံမှာ အများကြီးရှိနေပါတယ်
သူတို့လို ကလေးမျိုးတွေကျတော့ကော .. ဘယ် လူ့အဖွဲ့စည်းက လက်ခံပါသလဲ ..
ရှိတော့ရှိတယ် .. တစ်ချို့ လူမှုရေးအဖွဲ့တွေ စုပေါင်းပြီး ယခုလို ကလေးများစုဝေးရာသို့သွားပြီး ..
မုန့်ကျွေးတာ အ၀တ်စားပေးတာ .. တတ်နိုင်သလောက် လှူဒါန်းတာတွေရှိပါတယ်
သူတို့လို ကလေးမျိုးဟာ တစ်ခြားကလေးများနဲ့တန်းတူ ကျောင်းတက်ပြီး စာကြိုးစားခွင့်ရမယ်ဆိုရင်
ထူးချွန်တဲ့သူ မဖြစ်လာနိုင်ဘူးလို့ ဘယ်သူ ပြောနိုင်သလဲ ..
သူတို့မှာလဲ သူတောင်းစားဖြစ်ဖို့အတွက် ရင်းနှီးခဲ့ရတာတွေ ရှိတယ် .. လေ့လာသင်ယူခဲ့ရတာတွေရှိတယ်
အရှက်တရားကို မေ့ထားရတယ် .. မကြောက်တတ်အောင် နေရတယ်
သူများ ပေးချင်ကမ်းချင် သနားချင်အောင် .. ပုံစံမျိုးစုံနဲ့ ဖော်ပြနိုင်တဲ့ အတတ်ပညာရှိတယ်
ခွေးတွေမြင်ရင် ပြန်လည်တိုက်ခိုက်တတ်တဲ့ သတ္တိမျိုးတွေ မွေးထားကြတယ်

အဆင့်အတန်း .. ဂုဏ်သိက္ခာ .. ပညာ .. အသိတရား ... အရည်အချင်း စတာတွေကို မေ့ထားလိုက်ရင်
သူတို့ဟာ ကျွန်တော်တို့လို လူသားတွေပါပဲ .. လူလူချင်း အတူတူပါပဲ
လူသားအချင်းချင်း စာနာနားလည်မှုရှိရမယ့် တာဝန်မှာ လူသားတိုင်းရဲ့ တာဝန်တစ်ခုပါ ................................


                                                           
                          မင်းယုမာန် ( 21.9.2011 / 2:15 am )

ပြတိုက် FM

                       “ ပြတိုက် FM ”

မင်္ဂလာပါခင်ဗျာ .. ပြတိုက် FM က အသံလွှင့်နေပါတယ်

အခုထုတ်လွှင့်မယ့်အစီစဉ်လေးကတော့ .. ပြတိုက်မှ အဖွဲ့ဝင်ဖြစ်သော
ကိုမင်းယုမာန်နဲ့ သူ၏ ပရိသတ်များ ဖုန်းပြောမယ့်အစီစဉ်ဖြစ်ပါတယ်

“ ကိုမင်းယုမာန်ရေ .. မင်္ဂလာပါဗျာ .. အခုလို မအားလပ်တဲ့ကြားကနေ
  ကျွန်တော်တို့ ပြတိုက် FM အတွက် မေးခွန်းလေးတွေလာဖြေပေးတဲ့အတွက်
  ကျေးဇူးတင်ပါတယ် ”
“ ဟုတ်ကဲ့ .. မင်္ဂလာပါ ကိုပြတိုက် .. အခုလို ကျွန်တော့်လိုမျိုး တိုင်းမသိ
   ပြည်မသိ .. နိုင်ငံမကျော် .. မြို့မကျော် .. ရပ်ကွက်မကျော် ..
   အဲ .. တစ်အိမ်ကျော်ကတော့ သိတယ်ဗျ .. အဲလိုလူမျိုးကို
   ဖိတ်ခေါ်ပေးတဲ့အတွက် ကျေးဇူးတင်ပါတယ် ”
“ ကဲ ကိုမင်းယုမာန်ရေ .. ကျွန်တော့်တို့ရဲ့ (ပြောကြမယ်ဟေ့ ကောင်းကောင်း)
  အစီစဉ်လေး စလိုက်ကြရအောင် .. ကိုမင်းယုမာန်နဲ့စကားပြောချင်နေတဲ့
  ပရိတ်သတ်တွေလဲ စောင့်နေလောက်ပြီ .. ကဲ စလိုက်တော့မယ်နော် .. ”
..............................................
“ ကလင် .. ကလင် .. ကလင် . ”
“ ဟုတ်ကဲ့ .. မင်းယုမာန်စကားပြောနေပါတယ် ”
“ ဘာ .. မင်းယုမာန်တွေ ဘာတွေလုပ်နေတာလဲ .. ဟေ့ကောင် ..
  မင်းငါ့ဆီက ချေးထားတဲ့ အကြွေးတွေ ပြန်မပေးချင်လို့ ..
  ရှောင်နေတာ ငါမသိဘူးများမှတ်နေလား .. ဘယ်ရမလဲ ..
  မင်းဒီနေ့ ပြတိုက်မှာ ဖုန်းပြောမယ်မှန်းသိလို့ကို တမင်စောင့်နေတာ ..
  ဟေ့ကောင် ငါ့အကြွေးတွေ ဘယ်တော့ဆပ်မှာလဲ ..”
“ အဟီး .. အစ်ကို့နာမည်လေးနဲ့ နေရပ်လိပ်စာလေးတစ်ချက်လောက်
  ပြောပြပါလား ..ကျွန်တော့်မှာ အကြွေးရှင်တွေများတယ် .. ဘယ်သူလဲမသိဘူးခင်ဗျ ”
“ အေး ငါ့နာမည်က ........၊ ......... မှာနေတယ် .. သိပြီလား
  အေး မင်းအမြန်ဆပ်နော် .. မဆပ်လို့ကတော့ .. မင်းကြီးတော်ကြီးကို ငါရအောင်ယူမယ် ဒါပဲ ”
“ ဟုတ် .. အမြန်ဆပ်ပါ့မယ်ဗျာ .. ကြီးတော်ကြီးကိုတော့ ချမ်းသာပေးပါ .. အခုလို ..
   သတိတရနဲ့ ကျွန်တော့်ကို အကြွေးတောင်းတဲ့အတွက် ကျေးဇူးပါပဲနော် အစ်ကို .. ”
အမြန်ဖုန်းချမှ .. မဟုတ်ရင် .. ငါတော့မလွယ်ဘူး .. ဘုရား ဘုရား ဒီအစီစဉ်ကို ကြီးတော်ကြီးများ နားထောင်နေလားမသိဘူး

“ကလင် .. ကလင် .. ကလင် ”
“ ဟုတ်ကဲ့ .. မင်းယုမာန်ပြောနေပါတယ် ”
“ ဟယ် .. မင်းမင်း လေးလား .. ကြည့်စမ်း .. အသံလေးက ချိုနေတာပဲ ..
  တို့လေ မင်းမင်းလေးရဲ့ ပရိတ်သတ်ပါ .. သိလားလို့ ..တို့ အလှပြင်ဆိုင်မှာဆိုရင်
  မင်းမင်းလေးရဲ့ ပိုစတာတွေ အများကြီးကပ်ထားတယ် သိလား .. တို့က အလှဖန်တီးရှင်တစ်ယောက်လေ
  မင်းမင်းလေး အလှပြင်ချင်ရင်ပြောနော် .. တို့က အလကားပြင်ပေးမှာ .. မင်းမင်းလေးရဲ့ မျက်နှာလေးကို
  ကိုင်ရရင် တို့လေ .. သေပျော်ပြီ သိလား .. အဲလောက်တောင်ချစ်တာနော် .. ”
“ အဟင့် .. ဟုတ်ကဲ့ .. အဲလောက်ချစ်တာသိရလို့ .. ပြေးမိချင် အဲလေ .. ကျေးဇူးတင်မိပါတယ် ..
  ဒါနဲ့ အစ်ကို .. အဲ .. မမရဲ့ နာမည်က ဘယ်လိုခေါ်လဲ .. ဘယ်ကနေပြောနေတာလဲဟင် ”
“ အော် တို့လား .. တို့လေ နာမည်ပြောင်းလိုက်ပြီသိလား .. မင်းမင်းလေးနာမည်ပါအောင်လို့
  ပြန်ပြောင်းလိုက်တာ .. တို့နာမည်က ယုမာန်ထိပ်ထား တဲ့ .. နေတာကတော့ မင်းမင်းလေးနေတဲ့
  မန္တလေးကပဲ .. မန္တလေးသူလေးပါရှင် .. စကားပြောနေရင်းနဲ့တောင် တွေ့ချင်လာပြီ .. ဒီအစီစဉ်ပြီးသွားရင်
  မင်းမင်းလေးရဲ့အိမ်ကို လာလည်မယ်နော် .. တို့ကို မျှော်နေနော် .. နော်လို့ .. ”
အောင်မလေး .. အိမ်လာလည်မယ်တဲ့ဗျ .. လုပ်ကြပါဦး
“ ဟုတ်ကဲ့ လာလည်ပါနော် .. ပုန်းနေ အဲလေ .. မျှော်နေမယ်နော် .. အားပေးတဲ့အတွက် ကျေးဇူးတင်ပါတယ်
   နောက်လူတွေ စောင့်နေလို့ ဖုန်းချလိုက်တော့မယ်နော် မမယုမာန်ထိပ်ထား .. ”

“ ကလင် .. ကလင် .. ကလင် ”
“ မင်းယုမာန် စကားပြောနေပါတယ် ”
“ ဒီမှာ မင်းယုမာန်.. ရှင်ကျွန်မကို မနေ့က ရည်းစားစာပေခဲ့တယ်လေ
  မှတ်မိရဲ့လား .. ကျွန်မနာမည်က .......... လေ .. သိပြီလား .. ဘယ်နှယ့်ရှင် ..
  မိန်းကလေးတစ်ယောက်ကိုပေးတဲ့ ရည်းစားစာကလဲ .. ရှင်တော်တော် ဗရုတ်ကျတဲ့လူပဲ
  နေဦး .. ရှင့်အကြောင်း အားလုံးသိအောင် ရှင့်စာကို ကျွန်မ အခုဖတ်ပြလိုက်မယ် ..
  ရှင်ဖုန်းချမယ်တော့ မကြံနဲ့နော် .. ဖုန်းချလိုက်ရင် အွန်လိုင်းပေါ်မှာ ရှင့်မကောင်းကြောင်းတွေကို
  ကြေငြာပလိုက်မယ် .. အဲဒီတော့မှ တစ်နိုင်ငံလုံးသိမှာ .. ဟင်း ဟင်း .. နားထောင်နေ ..
  ( ကြည့်စမ်း .. တို့က  ဒီစာကို မင်းမယူလောက်ဘူးမှတ်နေတာ တကယ်ယူတယ်နော် ..
    ယူတယ်ဆိုကတည်းက .. စိတ်ဝင်စားလို့ပေါ့ .. စိတ်ဝင်စားတယ်ဆိုရင် ချစ်နေလို့ပေါ့ .. ရှင်းရှင်းလေးပဲ
    ချစ်နေရင်လဲ .. တို့က စဉ်းစားပေးရမှာပေါ့ .. မင်းရှေ့မှာ တန်းစီနေတဲ့သူတွေ များတယ်ကွယ်
    ဒါပေမဲ့ မပူပါနဲ့ .. ကြားဖြတ်တိုးလို့ရပါတယ် .. ရဲရဲကြီးသာ ကြားဖြတ်တိုးလိုက် .. တို့က သတ္တိရှိတဲ့သူဆိုရင်
    သဘောကျတယ် ..
                                  စဉ်းစားပေးနေမယ် .. ပုံ .. မင်းယုမာန်  )
   ကျွန်မ တော်တော်ဒေါသထွက်နေတယ် ရှင့်ကိုလဲ ပါးကွဲအောင် ရိုက်ချင်နေတယ် .. ဟင်း ဟင်း ...  ”
“ ခင်လို့ နောက်တာပါ .. အဲလောက် စိတ်မဆိုးပါနဲ့ .. တို့က ဒေါသကြီးတဲ့သူတွေကို သဘောမကျဘူး ..
   အခုလို တို့စာလေးကို ဖတ်ပြပေးတဲ့အတွက် .. ကျေးဇူးပဲနော် .. ဒါပဲနော် ”
သူက ခင်ကြီးကျယ်ဗျ .. မာနကလဲ အရမ်းကြီး .. လူတွေကို မတူသလို မတန်သလိုနဲ့ .. အမြင်ကပ်လို့
ရည်းစားစာဆိုပြီးလိုက်ပေးတာ .. သူဘာလို့ယူလဲ .. ဟုတ်ဘူးလား .. သူ့ဘာသာယူတုန်းကယူပြီးတော့ ..
အမလေး ပြောနေရင်း ပါးယားလာပြီ ..

“ ကလင် .. ကလင် .. ကလင် .. ”
“ ဟယ်လို .. မင်းယုမာန် စကားပြောနေပါတယ် ”
“ တိုကြီး မင်းယုမာန် လား .. တား တိုကြီးရဲ့  အိမ်နားကပဲ  .. တားနာမည်က ........ လေ
   တားက တိုကြီးကို ခင်တယ်ဂျ.. တိုကြီးကို တဘောလဲကျတယ် ”
“ တိုပါဘူးကွာ .. ရှည်တယ် အဲ .. စိတ်ရှည်တယ်လို့ပြောတာ ..  သားက တိုကြီး အဲ .. ကိုကြီးနဲ့ပက်သတ်ပြီး
  ဘာတွေများသဘောကျနေတာလဲ.. နည်းနည်းလောက် ပြောပြပါလား .. ”
“ တိုကြီးက မိုးရွာရင် ကရေးတွေနဲ့ ဘောလုံးကန်တာ အရမ်းကျွမ်းတယ် .. တားတို့ ဖန်ဂေါ်လီပစ်တမ်းကချားရင်
  တိုကြီးပစ်တာ အရမ်းတည့်တယ်ရေ .. ပြီးတော့ .. တိုကြီး တားတို့နဲ့တူတူပုန်းတမ်းကချားရင် .. တိုကြီးနဲ့ တားမမက
  အရမ်းပုန်းတာတော်တယ် .. တားတို့ တိုကြီးတို့နှစ်ယောက်ကို ဘယ်ရိုမှ ရှာလို့မရဘူး .. အဲရာ .. တိုကြီးတို့ ..
  ဘယ်နားမှာ တွားပုန်းနေတာရဲ .. တားတိချင်တယ် .. ဒီမှာ တားတူငယ်ချင်းတွေရဲ ရှိနေတယ် .. ပြောပြနော် တိုကြီး .. ”
အာ .. ဒီကလေး .. ဘာတွေမေးနေတာလဲ .. ငါတော့ အရှက်ကွဲပါပြီ .. အဲဒါ ပုန်းတာမဟုတ်ဘူးဟဲ့ .. နင်တို့ကို ပထုတ်တာဟ
“ အော်အေး .. ကိုကြီးတို့ ဘယ်နားမှာပုန်းလဲဆိုတော့ .. သားတို့အိမ်နောက်က ရေကန်ပျက်ကြီးထဲမှာ .. သားတို့ဘယ်သိမလဲ
  နောက်ဆို .. အဲဒီရေကန်ပျက်ကြီးထဲမှာ လာရှာနော် ..
 သား ဖေဖေနဲ့မေမေကို ကိုကြီးတို့ တူတူပုန်းတမ်းကစားတာကို ပြန်မပြောနဲ့နော် .. ”
“ ကျေးချူးပဲ တိုကြီး .. ဖေကြီးနဲ့မေကြီးက တားကို ဖုန်းဆက်ခိုင်းရို့ ဆက်တာ .. ဖေကြီးနဲ့မေကြီးမျက်နှာကြီးက ချူပုပ်နေရာပဲ ..
  ဘာရို့လဲ တိဘူး တိုကြီး ... ဒါပဲနော် .. တာ့တာ ”
အောင်မလေး .. သွားပါပြီ .. ဘယ်လိုမျက်ခွက်နဲ့ ရပ်ကွက်ထဲ ပြန်ဝင်ရပါ့မလဲ .. ကယ်ကြပါဦးဗျ

“ ကလင် .. ကလင် .. ကလင် .. ”
အဟင့် .. ဖုန်းကိုင်ရမှာတောင် ကြောက်လာပြီ ..
“ ဟယ်လို .. မင်းယုမာန်ပြောနေပါတယ် ”
“ ဟေ့ကောင် .. မင်းအခု အိမ်ပြန်လာခဲ့စမ်း .. မင်းနဲ့ဖုန်းပြောတာတွေ
  ငါနားထောင်နေတယ် .. မင်းကွာ .. မင်းကြောင့် ငါတို့မျက်နှာပျက်ရပြီ ..
  ဘယ်နှယ့် .. ကွမ်းယာလေး သွားဝယ်ခိုင်းလိုက်ပါတယ် .. ပြန်ကို ပေါ်မလာတော့ဘူး
  အေး မင်းတွေ့မယ် .. အိမ်ရောက်မှ ငါ့အကြောင်းသိမယ် .. လာခဲ့စမ်း ... ”
“ အာ .. ဒက်ဒီ .. အဖေ .. ကျေးဇူးရှင် .. သားအခု ဖုန်းနဲ့ပြောနေတာတွေ
  တစ်ခုမှ မမှန်ဘူး အဖေ .. အလကား .. ဘေးလူစကားတွေ နားမယောင်နဲ့နော် .. ”
“ ဘာကွ .. တစ်ခုမှမမှန်ဘူးဟုတ်တယ် .. အေး အခု အိမ်မှာ အကြွေးရှင်ရယ် ..
  ဟိုမိတ်ကပ်လိမ်းတဲ့ အခြောက်ရယ် .. မင်းစာပေးခဲ့တဲ့ ကောင်မလေးရယ် ..
  မင်းတူတူပုန်းတမ်းကစားတဲ့အိမ်က လူကြီးတွေ ရောက်နေတယ် .. မင်းကြီးတော်ကြီးလဲ
  ဒုတ်ကိုင်ပြီး မင်းကိုစောင့်နေတယ် .. ကဲ မင်းဘာ ငြင်းချင်သေးလဲ ..
  ဟေ့ကောင် .. ငါ့အကြောင်းသိတယ်နော် .. ခုချက်ချင်း အိမ်ကိုပြန်လာခဲ့စမ်း .. ”
“ ဟုတ် .. အခုလို ကျွန်တော့်ကို အိမ်ကိုဖိတ်ခေါ်နေတဲ့ .. ကျွန်တော့်အဖေကိုလဲ ကျေးဇူးတင်ပါတယ် ..
   နောက်လဲ .. ကျွန်တော်နဲ့ ဖုန်းပြောချင်တဲ့သူတွေ နောက်တစ်ပတ်မှ ပြန်ဆုံတွေ့ကြမယ်နော် ..
   အားလုံးရွှင်လန်းချမ်းမြေ့ကြပါစေ .. ဒါပဲနော် .. အိမ်ပြန်ရတော့မယ်ဗျ .. အဟင့် ”
“ အာ ... ဒီကောင် .. ပြောလေ ဆိုးလေပါလား .. ခုလာခဲ့စမ်း .. မင်းမလာရင် ငါလိုက်လာမှာနော် .. ”
“ လာပါပြီ ခင်ဗျ .. ကြောက်ပါတယ်ဆိုမှ .. လာပြီ .. အားလုံး စိတ်ကိုထိန်းထားကြပါနော် .. ”
.......................................
“ ဟုတ်ကဲ့ .. အခုလို .. ပရိတ်သတ်များနဲ့ ချစ်ချစ်ခင်ခင် စကားပြောပေးခဲ့တဲ့အတွက်
   ကိုမင်းယုမာန်ကို ကျွန်တော်တို့ ပြတိုက် FM မှ ကျေးဇူးအထူးတင်ပါတယ် ..
   နောင်ကိုလဲ .. ကျွန်တော်တို့ရဲ့ ပြောကြမယ်ဟေ့ ကောင်းကောင်း အစီစဉ်လေးမှာ
   ပါဝင်ဖုန်းပြောပေးပါဦးလို့ .. ဖိတ်ခေါ်ပါတယ် ကိုမင်းယုမာန် ”

“ အောင်မလေး .. ကိုပြတိုက်ရယ် .. ဒီတစ်ခေါက်နဲ့တင် အရိုးတစ်ခြား အသားတစ်ခြား
  ဖြစ်သွားမလားမသိဘူး .. အင်းပေါ့လေ .. ချစ်ခင်သူတွေက ဖိတ်ခေါ်တော့လဲ ..
  နောက်တစ်ခေါက် လာနိုင်ဖို့ ကြိုးစားရမှာပေါ့ .. ခုတော့ .. ပြန်လိုက်ဦးမယ်နော် ..
  ကဲ .. ဒီအစီစဉ်ကို နားဆင်နေကြတဲ့ မိဘပြည်သူ သူငယ်ချင်းများလဲ ..
  ကျွန်တော့်အတွက် ဆုတောင်းပေးကြပါနော် .. ကျွန်တော့်ကိုချစ်တယ်မလား
  ချစ်ရင် ပစ်မထားကြပါနဲ့နော် .. နော်လို့ ........... ”

                  
                                                                
                      မင်းယုမာန် (28.9.2011 / 2:30 pm )
           (အွန်လိုင်း ပြတိုက် ဆိုက်ဒ် မှာ ရေးခဲ့သော ပို့စ် ဖြစ်သည်)

ရှိတော့ရှိတယ် ရှားတယ်

“ ရှိတော့ရှိတယ် ရှားတယ် ”

ဘာတွေရှိပြီး ဘာတွေရှားနေတာလဲ
အင်း .. လူတွေရှိပြီး လူတွေရှားနေတယ်

ဘယ်လိုလူတွေရှိပြီး ဘယ်လိုလူတွေရှားနေတာလဲ

အတိတ်ကို ခဏခဏ ပြန်ကြည့်ပြီး အနာဂတ်ကိုမကြည့်တတ်တဲ့လူတွေ ရှိပြီး
အတိတ်ကို ပြန်မကြည့်ပဲ အနာဂတ်ကိုပဲ ကြည့်နေတဲ့လူတွေ ရှားတယ်

တရားတွေလုပ်ပြီး တရားမရှိတဲ့လူတွေ ရှိပြီး
တရားတွေလုပ်ပြီး တရားရှိနေတဲ့လူတွေ ရှားတယ်

ကိုယ့်ကိုကိုယ် များများချစ်ပြီး သူတစ်ပါးကို နည်းနည်းချစ်တဲ့လူတွေ ရှိပြီး
ကိုယ့်ကိုကိုယ် နည်းနည်းချစ်ပြီး သူတစ်ပါးကို များများချစ်တဲ့လူတွေ ရှားတယ်

ချစ်ခြင်းမေတ္တာကို သေချာသဘောမပေါက်တဲ့လူတွေ ရှိပြီး
ချစ်မြင်းမေတ္တာကို သေချာသဘောပေါက်တဲ့လူတွေ ရှားတယ်

စိတ်ကိုအလိုလိုက်ပြီး အကြိုက်ဆောင်နေတဲ့လူတွေ ရှိပြီး
စိတ်ကိုအလိုမလိုက်ပဲ လက်မထောင်နေတဲ့လူတွေ ရှားတယ်

အမှားကို အမှန်ဖြစ်အောင် ဇွတ်လုပ်တဲ့လူတွေ ရှိပြီး
အမှားကို အမှားမှန်း လက်ခံနိုင်တဲ့လူတွေ ရှားတယ်

အောင်မြင်မှုကို ဇိမ်ခံတတ်တဲ့လူတွေ ရှိပြီး
ဆုံးရှုံးမှုကို ခံနိုင်ရည် ရှိတဲ့လူတွေ ရှားတယ်

ဘ၀ကို ဖြတ်လမ်းနည်းမျိုးစုံနဲ့ တိုးတက်အောင်ကြိုးစားနေတဲ့လူတွေ ရှိပြီး
ဘ၀ကို နည်းမှန်လမ်းမှန်နဲ့ ပုံမှန် ချီတက်နေတဲ့လူတွေ ရှားတယ်

အိပ်ချင်ယောင်ဆောင်နေတဲ့သူကို အတင်းလှုပ်နိုးနေတဲ့လူတွေ ရှိပြီး
တကယ်အိပ်ပျော်နေတဲ့သူကိုတော့ မနိုးမိတဲ့လူတွေ ရှားတယ်

ကိုယ်ပိုင်ဆုံးဖြတ်ချက်မရှိပဲ သူတစ်ပါးအပေါ်မှီခိုတဲ့လူတွေ ရှိပြီး
ကိုယ်ပိုင်ဆုံးဖြတ်ချက်နဲ့ လမ်းသစ်ဖောက်နေတဲ့လူတွေ ရှားတယ်

ဘ၀ဆိုတာ အရှည်ကြီးလို့တွေးပြီး လုပ်စရာရှိတယ် ဖြည်းဖြည်းလုပ်တဲ့လူတွေ ရှိပြီး
ဘ၀ဆိုတာ တိုတိုလေးလို့ တွေးပြီး လုပ်စရာရှိတာ ချက်ချင်းလုပ်နေတဲ့လူတွေ ရှားတယ်

စေတနာကို စေတနာမှန်းမသိ အလွဲသုံးစားလုပ်တဲ့လူတွေ ရှိပြီး
စေတနာကို စေတနာမှန်းသိပြီး ကျေးဇူးတင်တတ်တဲ့လူတွေ ရှားတယ်

ကိုယ်ဖြစ်ချင်တာကို ဖြစ်သင့်လား မစဉ်းစားတဲ့လူတွေ ရှိပြီး
ကိုယ်ဖြစ်ချင်တာထက် ဖြစ်သင့်တာကို ဦးစားပေးတဲ့လူတွေ ရှားတယ်

ကိုယ့်ကိုကိုယ် မီးလောင်တိုက် သွင်းနေတဲ့လူတွေ ရှိပြီး
ကိုယ့်ကိုကိုယ် ရေကြည်အေး တိုက်ပေးနေတဲ့လူတွေ ရှားတယ်

ဝဋ်ဆိုတာ နောက်ဘ၀မှ လည်တတ်တယ်လို့ မှတ်ယူထားတဲ့လူတွေ ရှိပြီး
ဝဋ်ဆိုတာ အခုဘ၀တွင်လဲ လည်တတ်တယ်လို့ မှတ်ယူထားတဲ့လူတွေ ရှားတယ်

လူမှုရေး .. လူ့ကျင့်ဝတ်ဆိုတာ ဘာမှန်းမသိတဲ့လူတွေ ရှိပြီး
လူမှုရေး .. လူ့ကျင့်ဝတ်တွေ ပြည့်ဝနေတဲ့လူတွေ ရှားတယ်

သူတစ်ပါးကို အတင်းနားလည်ပေးပြီး ကိုယ်ကို့ကိုယ် နားမလည်တဲ့လူတွေ ရှိပြီး
သူတစ်ပါးကိုလဲ နားလည်တယ် ကိုယ်ကို့ကိုယ်လဲ နားလည်တဲ့လူတွေ ရှားတယ်

ဒီစာကို ငါကိုယ်တိုင်ရေးပြီး ငါ့ကိုယ်ငါ မဆုံးမတတ်တဲ့ ငါ ဆိုတာရှိပြီး
ဒီစာကို ငါကိုယ်တိုင်ရေးပြီး ငါ့ကိုယ်ငါ ဆုံးမတတ်တဲ့ ငါ ဆိုတာ ရှားတယ်

အင်း ... ရှိတော့ရှိတယ် ရှားတယ်
ဘာတွေရှိပြီး ဘာတွေရှားနေတာလဲ ..

အင်း .. လူတွေရှိပြီး လူတွေရှားနေတယ် ............


                                             
                      မင်းယုမာန် ( 23.9.2011 / 4:5 pm )

သိသာသိစေ မမြင်စေနဲ့

“သိသာသိစေ .. မမြင်စေနဲ့”

အေးဗျ .. အဲဒီစကားလုံးကို ကျွန်တော် တော်တော်သဘောကျတယ် ..
ကျွန်တော် ဆေးလိပ်သောက်တယ်ဗျ .. ဒါပေမယ့် .. ကျွန်တော့်အဖေနဲ့အမေရှေ့မှာ ဆေးလိပ်ကြီးခဲပြီး ယနေ့အချိန်ထိ တခါမှ သောက်မပြဖူးဘူး ..
သူတို့တွေ ကျွန်တော် ဆေးလိပ်သောက်မှန်းသိတယ် .. ဒါပေမဲ့ မမြင်ဖူးသေးဘူး..
ကျွန်တော်ကလဲ သိသာသိစေ .. မမြင်စေနဲ့ ဆောင်ပုဒ်ကို လိုက်နာတာကိုး

နောက် .. ကျွန်တော် ကျောင်းတက်တုန်းက စာမေးပွဲရောက်တော့ .. ကျက်ထားတာလေးတွေ .. တက်တက်စင်အောင် လွဲတော့
ဘေးနားက သူငယ်ချင်းကို .. လက်တို့ရတယ်ဗျ .. “ဟေ့ကောင် ငါ မဖြေနိုင်ဘူး .. နည်းနည်းပြဦး ” .. သူငယ်ချင်းကလဲ ပြတယ်ဗျ
ဒါပေမဲ့ .. ဆရာမကတော့ ကျွန်တော့်လုပ်ရပ်ကို မမြင်ဘူးဗျ ..
အေးလေ .. ကျွန်တော်ကလဲ သိသာသိစေ .. မမြင်စေနဲ့ ဆောင်ပုဒ်ကို လိုက်နာတာကိုး

နောက်တစ်ခါ ...
ကျောင်းတက်တုန်းက အတန်းထဲက ကောင်မလေးတစ်ယောက်ကို ကျွန်တော် ကြိုက်ခဲ့တယ်
ကျွန်တော် ကြိုက်နေတာကို သူသိတယ်ဗျ .. ဒါပေမဲ့ သူမြင်အောင် ကျွန်တော် မပြခဲ့ဘူး
နောက်ဆုံးနှစ်ရောက်တော့ .. ကျွန်တော် ကောင်မလေးကို စာပေးခဲ့တယ်
ကောင်မလေးက ကျွန်တော်ပေးတဲ့စာကို ကြည့်ပြီး ကျွန်တော့်ကို တော်တော်အမြင်ကပ်သွားတဲ့ ပုံစံမျိုးနဲ့ကြည့်တယ်ဗျ
ကျွန်တော်ကလဲ .. ဘာမှရေးမထားတဲ့ စာရွက်အလယ်မှာ
ကျွန်တော့် နာမည် .. အသက် .. လိပ်စာ .. ဖုန်းနံပါတ် ပါတဲ့ လိပ်စာကဒ်တစ်ခုကို စာရွက်ကြားမှာညှက်ပြီး ပေးလိုက်တာကိုး
လိပ်စာကဒ်ရဲ့နောက်ကျောမှာ .. ကျွန်တော့်ရဲ့ကောင်းတဲ့အချက်တွေနဲ့ ... ဆိုးတဲ့ အချက်တွေ ရေးထားတယ်
အတန်းပြီးတော့ .. ကောင်မလေးက ကျွန်တော့်နားလာပြီး
“ နင် .. ဒါဘာသဘောလဲ .. နင့်လိပ်စာကဒ်ကို ငါက ဘာလုပ်ရမှာလဲ” ဆိုပြီး ရန်တွေ့တယ်
“ ဟ ငါနင့်ကို ရည်းစားစာပေးတာလေ .. အဲဒီကဒ်ထဲမှာ ငါ့ရဲ့ကောင်းတဲ့အချက်တွေနဲ့ဆိုးတဲ့အချက်တွေပါတယ် .. နင်စဉ်းစားလို့ရအောင်လို့ ”
“ ဟဲ့ .. နင်က ငါစဉ်စားပေးမယ့် အဆင့်ကိုတောင် မရောက်သေးဘူး .. ရော့ ..နင်ကဒ်ကို ပြန်ယူသွား .. အရူး ” ဆိုပြီး ဆောင့်ကြီးအောင့်ကြီးနဲ့ ထွက်သွားတယ်
ဘေးက ကျွန်တော့်သူငယ်ချင်းတွေကလဲ .. “ အေးလေ မင်းအရူးပဲ .. ဘာတွေသွားပေးမှန်းမသိဘူး ” .. အားလုံးက ထောပနာ ပြုတယ်ဗျ
အမှန်တော့ ကျွန်တော် မရူးပါဘူး .. နှစ်ရက်လောက်ကြာတော့ .. ကောင်မလေးက ကျွန်တော့်ဆီ ဖုန်းဆက်တယ်ဗျ
လိပ်စာကဒ်ထဲမှာ ရေးထားတာ အမှန်တွေလားလို့မေးတယ် .. “ အမှန်တွေပေါ့လို့ ” ပြန်ဖြေလိုက်တယ်
လိပ်စာကဒ်နောက်ကျော အောက်ဖက်မှာ စာတစ်ကြောင်းရေးထားသေးတာကိုး
... ငါ မင်းကိုသိနေတာကြာပြီ .. ချစ်နေတာလဲကြာပြီ .. ငါ့အချစ်တွေကို မင်းမြင်အောင် ပြချင်ပေမယ့် .. သူငယ်ချင်းဆိုတဲ့စည်းက ခြားထားတယ် .. နောက်ဆုံးနှစ်ဆိုတော့ .. နောက်ဆို မင်းကို မမြင်ရတော့မှာ အရမ်းစိတ်ပူမိလို့ အခုလို ရင်ဖွင့်မိတာပါ ..
အဲဒီစာကြောင်းလေး ပါတယ်ဗျ
အဲဒီစာကြောင်းလေးကြောင့်ထင်တယ် .. သူနဲ့ကျွန်တော် ချစ်သူတွေဖြစ်သွားတယ် ..
ကျွန်တော်က .. သိသာသိစေ .. မမြင်စေနဲ့ ဆောင်ပုဒ်ကို လိုက်နာတာကိုး

အင်း .. ဆက်ပြောရမယ်ဆိုရင်တော့ .. ခပ်ရှက်ရှက်ပဲဗျ

သူနဲ့ကျွန်တော် ချစ်သူတွေဖြစ်သွားတာ (၁)နှစ်လောက်ကြာမှ ကျွန်တော် သိခဲ့ရတာဗျ
သူက ကျွန်တော့်နောက်ကွယ်မှာ နောက်ထပ် ရည်းစားတစ်ယောက်ကို ထားခဲ့တယ်
ကျွန်တော် တကယ်ကို မသိခဲ့ဘူးဗျာ ..
ကောင်မလေးကလဲ .. ကျွန်တော် မမြင်အောင် ဖုံးဖိခဲ့တာကိုး
အေးလေ .. ကျွန်တော့်ကောင်မလေးက ကျွန်တော်နဲ့အနေနီးပြီး ....
သိသာသိစေ .. မမြင်စေနဲ့ ဆိုတဲ့ ကျွန်တော့် ဆောင်ပုဒ်လေးကို
သူ သဘောကျကာ .. ကျင့်သုံးသွားတယ်ထင်ပါရဲ့ဗျာ

ကဲ ချစ်သူငယ်ချင်းများလဲ ..
တစ်ချို့ ကိစ္စတွေကို သိအောင်လုပ်ပေးပြီး
တစ်ချို့ ကိစ္စတွေကို မြင်အောင်တော့ လုပ်ပေးကြပါဗျာ ..
သိသာသိစေ .. မမြင်စေနဲ့ ဆောင်ပုဒ်ကိုတော့ အမြဲမကျင့်သုံးပါနဲ့နော် ..........

                                                                
                                      မင်းယုမာန်

အချစ်ပြတိုက်

း“ Love Museum ”
                                 “ အချစ်ပြတိုက်”

  ပြတိုက်နာမည်က “အချစ်ပြတိုက်” တဲ့ .. အထဲမှာ ဘာတွေများ ပြထားလဲမသိဘူး
  ၀င်ကြည့်ဦးမှ ဆိုပြီး ကျွန်တော် ပြတိုက် ရှေ့ကိုရောက်သွားတယ်
  ကျွန်တော်လဲ ၀င်မယ်လုပ်ရော .. “ ဟေ့ ကောင်လေး .. စစ်ဆေးခံဦးလေကွာ .. ပြီးမှ ၀င် .. ”
  ဂိတ်စောင့် လုံခြုံရေးကြီးက လှမ်းအော် လိုက်တယ်
  အော် ဟုတ်သားပဲ .. ပြတိုက်ထဲမ၀င်ခင် စစ်ဆေးခံရဦးမှာပါလား ..
 ကျွန်တော် လုံခြုံရေးကြီးရှေ့မှာ မတ်တပ်ရပ်ပြီး အစစ်ခံလိုက်တယ် ...
 လုံခြုံရေးကြီးက သူ့မှာပါတဲ့ ကရိယာကြီးနဲ့ စစ်ဆေးတယ် ..
 တစ်ကိုယ်လုံး မစစ်ဆေးဘူးဗျ .. တစ်နေရာတည်းရယ် .. ရင်ဘတ်ကို ကရိယာကြီး ကပ်ပြီး စစ်ဆေးတယ်
 လုံခြုံရေးကြီးက ပြုံးပြုံးကြီးနဲ့ပြောတယ် .. “ မင်း တော်တော်ခံစားခဲ့ရပုံပဲ .. ကြိုဆိုပါတယ်ကွာ တဲ့ ”
 ဟင် .. ဘယ်လိုကြီးလဲ .. သူစစ်ဆေးပုံကလဲ

 စစ်ဆေးလဲခံပြီးရော .. အူကြောင်ကြောင်နဲ့ ပြတိုက်ထဲကို ၀င်ခဲ့တယ်
 အားပါး .. တော်တော်စုံတာပဲဗျ သိလား
 အချစ်မျိုးစုံကို ပုံစံမျိုးစုံနဲ့ ပြသထားလိုက်တာ .. ကျွန်တော် ဒီလိုပြတိုက်မျိုး တစ်ခါမှ မမြင်ဖူးဘူး

 ပထမဆုံး ကျွန်တော် မြင်လိုက်တဲ့ ပြခန်းက .. “မိဘအချစ်” ပြခန်း တဲ့
 ပြခန်းမှာ သရုပ်ဖော်ထားပုံက .. မိခင်လုပ်တဲ့သူက သူ့ရင်သွေးလေးကို နို့ချိုတိုက်ကျွေးနေတယ်
 ဖခင်ဖြစ်တဲ့သူက ဘေးနားကနေ .. သူ့မိန်းမ ရင်သွေးလေး နို့တိုက်နေတာကိုကြည့်ပြီး ပန်းချီ ဆွဲနေတယ်
 သူ့ရဲ့ ပန်းချီကားကို ကျွန်တော် သေချာကြည့်လိုက်တော့ ..
 ကောင်လေးနဲ့ကောင်မလေး လက်ချင်းချိတ်ပြီး ပြုံးပြနေတဲ့ပုံလေး
 ကောင်လေးကော ကောင်မလေးကော ဘွဲ့ဝတ်စုံလေးတွေ ၀တ်ထားတယ်
 အရောင်စုံလင်စွာနဲ့ .. ပန်းချီကားလေးကို ခြယ်သထားတယ်
 ကျွန်တော် မိဘအချစ် ပြခန်းက သရုပ်ဖော်ပန်းပုရုပ်လေးတွေကို ကြည့်ပြီး ..
 ရင်ထဲမှာ အဖေနဲ့အမေကို ပြေးမြင်မိတယ်

 နောက်ပြခန်းတစ်ခုကို ကျွန်တော်ရောက်တယ် ..
 ပြခန်းနာမည်က .. “ မောင်နှမအချစ်” ပြခန်း တဲ့
 သရုပ်ဖော်ထားပုံလေးက အဆန်းဗျ
 အစ်ကိုလုပ်တဲ့သူက သူ့ညီနဲ့ညီမလေးရဲ့လက်ကိုတွဲပြီး လမ်းလျှောက်နေတဲ့ပုံ
 ညီလုပ်တဲ့သူရဲ့ ခြေထောက်အောက်မှာ စာတန်းလေး ထိုးထားတယ် .. “ လေးစားမှု ” တဲ့
 ညီမလုပ်တဲ့သူရဲ့ ခြေထောက်အောက်မှာ စာတန်းလေးက “ အားပေးမှု ” တဲ့
 အစ်ကိုကြီးလုပ်တဲ့ သူရဲ့ အောက်မှာ စာတန်းလေးကတော့ .. “ ယုံကြည်မှု ” တဲ့
 သူတို့ရှေ့မှာ အိမ်လေးတစ်အိမ် လုပ်ထားတယ် ..
 အိမ်လေးမှာ စာတန်းလေးချိတ်ထားတယ် .. “ နွေးထွေးမှု ” တဲ့
 “မောင်နှမအချစ်”ပြခန်းလေးကိုကြည့်ပြီး ကျွန်တော့်ရင်ထဲမှာ နွေးထွေးသွားသလို ခံစားလိုက်ရတယ်

 ကျွန်တော် ဆက်ကြည့်လိုက်တယ် ..
 ဒီတစ်ခါ ပြခန်းလေးက တော်တော်လေးကို လှတယ်ဗျ
 သရုပ်ဖော်ပုံလေးက ကောင်းလေး(၂)ယောက်က တစ်ယောက်ကိုတစ်ယောက် ပုခုံးကို ဖက်ထားတယ်
 အောက်မှာ ကောင်မလေး(၂)ယောက်က လက်ချင်းချိတ်ပြီး သူတို့ရှေ့မှာ ငုပ်တုပ်လေးထိုင်နေတယ် ..
 သူတို့လေးယောက်စလုံး အပြုံးကိုယ်စီနဲ့ ကောင်းကင်ကြီးကို မော့ကြည့်နေကြတယ်
 ကောင်းကင်ကြီးမှာ စာတန်းကြီးတစ်ခုချိတ်ထားတယ် ..
 “ ပူလောင်ခြင်းကင်းတဲ့ သံယောဇဉ် ” တဲ့ ..
 ကျွန်တော် အခုကြည့်နေတဲ့ ပြခန်းနာမည်က “ သူငယ်ချင်း အချစ်” ပြခန်းပါ

 ဟော .. ဒီပြခန်းနာမည်ကို မြင်လိုက်တာနဲ့ ကျွန်တော် ရင်ခုန်သွားတယ်
 ပြခန်းနာမည်က .. “ ချစ်သူ အချစ် ” တဲ့ .. ကဲ ရင်ခုန်စွာနဲ့ ၀င်ကြည့်ပြီဗျာ
 ပြခန်းမှာ အခန်းသုံးခု ခွဲထားတယ်
 ပထမ အခန်းမှာ ကောင်လေးက ကောင်မလေးကို ချစ်ခွင့်တောင်းနေတဲ့ပုံလေး
 ကောင်လေးပန်းပုရဲ့ အောက်မှာ .. “ တစ်သက်တာ မြတ်နိုးမှုတွေနဲ့ ချစ်ခွင့်ပေးပါ ”
 ကောင်မလေးပန်းပုရဲ့ အောက်မှာက .. “ ကြည်ဖြူစွာနဲ့ လက်ခံပါတယ် ”
 အဟား .. ကျွန်တော် သဘောကျသွားတယ် .. ကြည်နူးစရာလေးဗျ
 နောက် အလယ်ကအခန်းမှာတော့ .. ပြောင်းသွားတယ်
 ကောင်မလေးက ကောင်းလေးကို စိတ်ဆိုးနေတဲ့ပုံလေး ..
 ကောင်လေးအောက်ကစာက .. “ အထင်လွဲနေတာပါ စိတ်မဆိုးပါနဲ့ .. ”
 ကောင်မလေးအောက်ကစာက .. “ ဘာမှလာရှင်းမပြနဲ့ .. ရှင့်ကိုစိတ်ဆိုးတယ် ”
 ဟ .. ဘယ်လိုဖြစ်တာတုန်း .. ခုနကတော့ ကြည်နူးနေကြပြီးတော့ ..
 နောက်ဆုံးအခန်းလေးကျတော့ .. ပြန်ဟုတ်သွားပြန်ရော ..
 ကောင်မလေးက ကောင်လေး ရင်ခွင်လေးထဲမှာဗျ .. အောက်မှာ စာလေးတွေကိုယ်စီနဲ့ ..
 ကောင်လေးအောက်က စာက .. “ နားလည်မှုတွေနဲ့ ဘ၀တစ်ခုကို တည်ဆောက်ကြရအောင် ”
 ကောင်မလေးအောက်က စာက .. “ ယုံကြည်မှုနဲ့ တစ်သက်လုံး မခွဲတမ်း အတူနေပါ့မယ် ”
 အော် .. “ချစ်သူအချစ်” ကို ဒီပြခန်းလေးက အတတ်နိုင်ဆုံး ပုံဖော်သွားတာပဲ .. ကြည်နူးတယ်ဗျာ

 ကျွန်တော် ဆက်ကြည့်လိုက်တော့ .. “လင်မယားအချစ်” ပြခန်းဆိုပဲ ..
 ဒီပြခန်းကိုတော့ .. ကျွန်တော် တော်တော်စိတ်ဝင်စားတယ် ..
 ဘာလို့လဲဆိုတော့ မကြုံဘူးသေးလို့ အဟီး .. (ကြေငြာ)
 ရောက်မှတော့ စုံအောင်ကြည့်ပြီးမှ ပြန်မယ်ဗျာ .. ၀င်လိုက်တယ်
 အဟ . .မိုက်တယ်သိလား .. ပြထားတာ ရှင်းရှင်းလေးရယ်
 ကောင်လေးက လျှာထုတ်ပြနေတယ် .. သူ့လျှာမှာက သွေးတွေနဲ့ ..
 ကောင်မလေးက သွေးထွက်နေတဲ့လျှာကို ဆေးထည့်ပေးနေတယ်
 သူတို့အောက်မှာ စာတန်းလေးရှိတယ် ..
 ဘာတဲ့ .. “ လင်နဲ့မယား လျှာနဲ့သွား .. တစ်ခါကိုက်မိတိုင်း ဆေးထည့်ပေးဖို့ မမေ့ပါနဲ့ ”
 အော် .. လင်မယားအချစ်ဆိုတာ ဒါမျိုးပါလား .. ကျွန်တော် ဆေးထည့်တတ်ဖို့ လေ့လာရဦးမယ်

 ကျွန်တော် အချစ်ပြတိုက်ထဲ လျှောက်ကြည့်နေတာ နည်းနည်းကြာသွားပြီ
 ဘာပြခန်းတွေများ ကျန်သေးလဲ .. နေဦး .. ကျန်သေးတယ်ဗျ
 ကျွန်တော် ကြည့်လိုက်တော့ .. “ ဆေးပေးမီးယူအချစ်”
 ပြခန်းနာမည်က အဆန်းပဲ .. ဘာလိုတွေ ဆေးပေးပြီး ဘယ်လို မီးယူကြလဲ မသိဘူး
 အဖိုးကြီးနဲ့အဖွားကြီး ပန်းပုတွေဗျ
 ဖွားဖွားက ဖိုးဖိုးကို မေးခွန်းမေးနေတဲ့ ပုံစံမျိုး ..
 ဖွားဖွားအောက်က စာက .. ” တော့် အဖိုးကြီး နေသာထိုင်သာ ရှိရဲ့လား ”
 ဖိုးဖိုးက ပြန်ဖြေနေတဲ့ပုံ .. စာက “ မင်းကိုယ်မင်းသာ စိတ်ပူစမ်းပါ အဖွားကြီးရာ ”
 ကျွန်တော် သဘောကျတယ် .. အင်း တကယ်လို့ ကျွန်တော် သူတို့လိုအသက်ရွယ်ရောက်တဲ့အခါ
 သူတို့လိုပဲ တစ်ယောက်ကို တစ်ယောက် ဂရုစိုက်နေတဲ့ ဘ၀လေးကို လိုချင်မိတယ်

 ကျွန်တော် ကြည့်နေတာ စုံသလောက်ဖြစ်နေပြီ ..
 ဗိုက်လဲဆာနေပြီဗျ .. ကျွန်တော် ပြန်တော့မယ်
 အဲဒါနဲ့ .. ပြခန်းထဲကနေ ထွက်လာလိုက်တယ်

 အပြင်လဲ ရောက်ကော .. “ ကောင်လေး .. ပြခန်းတွေစုံအောင် ကြည့်ခဲ့ရဲ့လားကွ ”
 ကျွန်တော့်ကို လုံခြုံရေးက မေးလိုက်တယ်
 “ဟုတ် .. စုံအောင် ကြည့်ခဲ့တယ် .. “ မိဘအချစ်” .. “ မောင်နှမအချစ်” .. “သူငယ်ချင်းအချစ်” ..
 “ချစ်သူအချစ်” .. “လင်မယားအချစ်” .. “ဆေးပေးမီးယူအချစ်” .. အကုန်လုံးကို ကြည့်ခဲ့တယ် ”
 ကျွန်တော် ပြန်ပြောလိုက်တယ်
 “ ဟ .. မင်းကြည့်တာ မစုံသေးဘူးကွ .. ပြခန်းတစ်ခု ကျန်နေသေးတယ် .. ”
 ကျွန်တော် အစုံကြည့်ခဲ့တာပါ .. မကျန်ပါဘူး .. ဘယ်ပြခန်းပါလိမ့်
 “ ဘယ်ပြခန်းလဲဗျ .. မကျန်ပါဘူး . .အကုန်ကြည့်ခဲ့တာ .. ”
 “ အော် ငါမေ့နေလို့ .. အဲဒီပြခန်းက မင်းမလာခင်လေးမှပဲ .. ပြတိုက်မှူးက အသစ်လုပ်သွားတာ ”
 “ တံခါးပိတ်ထားလို့နေမှာ .. လာ ငါလိုက်ပို့မယ် ..” ပြောပြီး လုံခြုံရေးကြီး ခေါ်တဲ့နောက်ကို ကျွန်တော်လိုက်သွားတယ်
  ဘာပြခန်းများ ကျန်နေလဲ .. စိတ်ဝင်စားလို့ လိုက်ကြည့်မိတယ်
 “ ကောင်လေး .. ဟိုအခန်းပဲ .. နေဦး ငါ သော့ဖွင့်ပေးမယ် .. မင်းဝင်ကြည့်ပြီးရင် တံခါးပြန်ပိတ်ခဲ့ ”
 ပြောပြီး .. လုံခြုံရေးကြီး လှည့်ထွက်သွားတယ် ..
 ကျွန်တော်လဲ မကြည့်ရသေးတဲ့ ပြခန်းကို ၀င်ကြည့်လိုက်တယ်

 ပြခန်းထဲရောက်တော့ .. ဘာမှသိပ်မရှိဘူး
 အသဲပုံ ပန်းပုကြီးကို ကလပ် တစ်ခုပေါ်မှာ တင်ထားတယ်
 အသဲပုံ ကြီးအောက်မှာ စာတန်းထိုးထားတယ်
 “ သတိ .. မကိုင်ရ .. ကွဲတတ်သည် ” တဲ့
 ကျွန်တော်လဲ သေချာကြည့်ပြီး ပြန်ထွက်လာလိုက်တယ်
 အပြင်ရောက်တော့ .. လုံခြုံရေးကြီးကို နှုတ်ဆက်ပြီး အိမ်ပြန်ခဲ့တယ်
 အိမ်အပြန်လမ်းမှာ .. ကျွန်တော် စဉ်းစားနေမိတယ်
 နောက်ဆုံးကြည့်လိုက်တဲ့ ပြခန်းကို သူတို့ဘယ်လိုနာမည်ပေးမလဲဆိုတာလေ
 ကျွန်တော် စဉ်းစားတယ် .........
 ကျွန်တော် စဉ်းစားတယ် ...........................................................


                             မင်းယုမာန် ( 13.9.2011 / 2:25 am )

ကျွန်တော် နှင့် IT ဘီလူး

                    “ ကျွန်တော် နှင့် IT ဘီလူး ”

“ ဟ .. လုံးဝ ဘိုးအေကြီးပါလား .. မဆိုးဘူး .. ဒါလေး မ သွားရင် ကောင်းမယ် ”
ကျွန်တော် IT အဟောင်းဈေးကိုရောက်နေတာဗျ ..
မိုးကာစလေးခင်းပြီး laptop လေးတွေကို တရုတ်ကြီးတစ်ယောက် ချရောင်းနေတယ်
ကျွန်တော် မြင်လိုက်တဲ့ laptop လေးက ရှေးတုန်းက laptop လေးဗျ .. laptop တွေ စခေတ်စားတုန်းက မော်ဒယ်လေး
laptop ဘိုးအေကြီးပေါ့ .. ရှေးဟောင်းပစ္စည်းလေးတွေဆိုရင် ..ကျွန်တော်က ကြိုက်မှကြိုက် ..
အခုလဲ .. ဒီ laptop လေးကိုမြင်တော့ လိုချင်စိတ်တွေ ပေါက်လာတယ်
.....................................
“ ဆရာ .. ဒီ laptop လေးက ဘယ်လောက်လဲ .. ” တရုတ်ကြီးကို မေးလိုက်တယ်
“ ဆရာကီး .. ဒီ laptop က သက်တမ်းအရင့်ဆုံးပဲ ..
  ဘက်ထရီကတော့ မကောင်းတော့ဘူး .. ဒါပေမဲ့လုံးဝ classic အစစ်နော် ”
လုပ်ပြီ .. တရုတ်ကြီး ဈေးခေါ်နေပြီ .. သိတာပေါ့ .. ကျွန်တော်ကလဲ မြင်နေတယ်လေ
“ အဲဒီ classic ကြီး ဘယ်လောက်လဲလို့ .. နေဦး ကျွန်တော် ပိုက်ဆံဘယ်လောက်ပါလဲ ကြည့်လိုက်ဦးမယ် ”
ခပ်တည်တည်နဲ့ ကျွန်တော်လဲ ပိုက်ဆံအိတ်ကို သူ့ရှေ့မှာ ဖွင့်ပြီး ပါတဲ့ ပိုက်ဆံရေလိုက်တယ်
“ နှစ်သောင်းတော့ပါတယ်ဗျာ .. ခင်ဗျား classic က ဘယ်လောက်လဲ .. ”
တရုတ်ကြီး တစ်ချက် စဉ်းစားပြီး .. “ ကျုပ် classic ကြီးက သုံးသောင်းမကတန်တယ်ဗျ .. ၂သောင်းနဲ့တော့ မရောင်းနိုင်ဘူး ”
လာသေးတယ် .. ဒါမျိုးတော့ မလုပ်နဲ့
“ အေးဗျာ .. ဒါဆိုလဲ ကျွန်တော် မ၀ယ်တော့ဘူး .. လိုချင်တာတော့ တကယ်လိုချင်တယ်ဗျာ ..
  ကျွန်တော် အဲလို ရှားပါး ပစ္စည်းတွေကို တန်ဖိုးထားလို့ပါ .. နှစ်သောင်းရရင်တော့ ခုချက်ချင်း ယူသွားမယ်ဗျာ ..
  ဟိုနားကဆိုင်မှာလဲ ဒီ မော်ဒယ်လိုမျိုး ရှိသေးတယ် .. သွားကြည့်လိုက်ဦးမယ် .. ”
ပြောပြီး ကျွန်တော် လှည့်ထွက်မယ်အလုပ် ...
“ ဆရာကီး .. ဟိုဆိုင်မှာရှိတဲ့ classic က ကျွန်တော့်လောက် classic မဖြစ်ဘူး ..
   ကဲပါ .. ဆရာကီးက ကျွန်တော့်လိုပဲ classic တွေကို တန်ဖိုးထားတဲ့သူဖြစ်နေတော့ ..   ကျွန်တော် ဈေးလျော့ပေးပါ့မယ် .. နှစ်သောင်းနဲ့ပဲယူဗျာ .. ရော့ .. ”
ဟဟ .. ငယ်ကတည်းက အမေဈေးသွားဝယ်ရင် လိုက်သွားတဲ့ အကျိုးကျေးဇူး အခု ခံစားနေရပြီ ..
“ ကျေးဇူးပဲ ..အဲဒါဆို ကျွန်တော် ယူမယ် .. နောက်လဲ လာကြည့်ပါဦးမယ် .. ”  classic ကြီး ကျွန်တော့်လက်ထဲ ရောက်သွားပြီ
အမှန်က ကျွန်တော့်မှာ ပိုက်ဆံပါပါသေးတယ် .. ဒါပေမဲ့ အဟောင်းဈေးကိုသွားရင် ပိုက်ဆံအိတ်ထဲမှာ နည်းနည်းပဲထည့်ပြီးသွားတာ
ကျွန်တော့်အကျင့်ပဲ .. လိုချင်တဲ့ပစ္စည်းကိုတွေ့ရင် အရင်ဆုံး စိတ်ထဲကနေ ဈေးဖြတ်ကြည့်တယ် .. ပြီးရင် ..
ပိုက်ဆံအိတ်ထဲ ကိုယ်ဖြတ်ချင်တဲ့ ဈေးလောက်ပဲ ပိုက်ဆံကို ထည့်ထားတယ် .. အဲလို .. အဲလို ..
အမှန်က classic ကြီးက ၁သောင်းခွဲလောက်ပဲတန်တာပါ .. ဒါပေမဲ့ ကျွန်တော် ဈေးထပ်စစ်နေရင် မရလိုက်မှာစိုးလို့ ပိုပေးလိုက်တာ
.......................................
အိမ်ပြန်ရောက်တော့ .. laptop classic ကြီးကို စားပွဲပေါ်တင်ပြီး သေချာလေ့လာမိတယ်
ဟုတ်တယ်ဗျ .. မော်ဒယ်က တော်တော်ကြီးကို အောက်နေပြီ .. laptop ဘိုးအေကြီးအဆင့်ဗျ
ဘက်ထရီကတော့ မကောင်းတော့ဘူး .. ကျွန်တော် ကလိကြည့်မယ်
ကဲ .. လာစမ်း .. classic ကြီးကို ဆန်းသစ်သွားအောင် ကလိလိုက်ဦးမယ်ဆိုပြီး
တတ်သလောက် မှတ်သလောက်လေးနဲ့ ဟိုလုပ်ကြည့် ဒီလုပ်ကြည့် ကလိတယ်
ကလိလို့တော့ပြီးပြီ .. ပါဝါ ပွင့်မလားမသိဘူး .. ကျွန်တော် ပလက်ပေါက်မှာ ထိုးကြည့်လိုက်တယ်
အဟား .. ပါဝါမီးလင်းတယ်ဗျ .. အဲ .. ဘာမှတော့ ပေါ်မလာဘူး ဟီး .. ပါဝါမီးလေးပဲ လင်းနေတယ်
ကျွန်တော်လဲ အဲဒီ လင်းနေတဲ့ ပါဝါမီးလေးကိုပဲ အောင်မြင်သောအပြုံးကြီးနဲ့ ကြည့်နေမိတယ်
ကြည့်နေရင်းနဲ့ .. ပါဝါမီးလေးက မှိတ်တုပ် မှိတ်တုပ် ဖြစ်လာတယ် .. ခဏနေတော့ screen အဖြူရောင်ကြီးလင်းလာတယ်
ဟာ .. ငါ ကလိတာ အဲလောက် တော်လို့လား .. ဟုတ်သေးပါဘူး .. တကယ်ကြီးကို လင်းလာတာဗျ
အဖြူရောင် screen ကြီးကနေ တဖြည်းဖြည်းနဲ့ လူမျက်နှာကြီး ပုံစံ .. ပုံရိပ်တစ်ခု ပေါ်လာတယ်
ဟင် .. window မတက်ပါပဲနဲ့ .. ဘာကြီး တက်လာတာတုန်း .. တဖြည်းဖြည်းနဲ့ လူမျက်နှာကြီး ပိုပြီး ပြီပြင်လာတယ်
.........................................
မျက်နှာဖြူကြီးက စကားတွေပြောတယ် .. ဘာ ဘာသာစကားနဲ့ပြောနေလဲမသိဘူး
ကျွန်တော် နားမလည်ဘူးဖြစ်နေတယ် .. နောက်တော့ .. စာကြောင်းတစ်ကြောင်းပေါ်လာတယ်
“ If you don't understand .. Please .. press T ”
ကျွန်တော် ကီးဘုတ်က T ကို နှိပ်လိုက်တယ် .. အယ် .. မြန်မာလိုကြီး ပြောပြီဗျ
“ အောင်မလေး အာစရိရယ် .. ကျုပ်ကို ခုလို ပါဝါပြန်သွင်းပေးလို့ ကျေးဇူးတင်လိုက်တာဗျာ ” တဲ့
ကျွန်တော် ထခုန်မတက် လန့်သွားတယ် .. လုပ်ပါဦး classic ကြီးက ကျွန်တော့်ကို စကားတွေပြောနေတယ်
“ မကြောက်ပါနဲ့ အာစရိရယ် .. ခုနက ကျုပ်တို့ ဘာသာစကားနဲ့ပြောနေတာ .. အာစရိက နားမလည်ဘူးလေ
  အဲဒါနဲ့ .. ကျုပ် ဘယ်ရောက်နေလဲကြည့်လိုက်တော့ .. မြန်မာပြည်ကို ရောက်နေတာပါလားဆိုပြီး ..
  အာစရိနဲ့ စကားကို ပြောလို့ရအောင် Translate လုပ်ဖို့ T ကိုနှိပ်ခိုင်းလိုက်တာ .. ”
သူက မကြောက်ပါနဲ့သာ ပြောနေတာ .. မျက်နှာဖြူကြီးနဲ့ ကျွန်တော့်ကိုစကားတွေပြောနေသေးတယ် .. ပြီးတော့
မြန်မာလိုချည်း .. မကြောက်ပဲနေမလားလို့ ..
“ ခင်ဗျားက ဘာကြီးလဲ .. ဘာလို့ ကျုပ်ကို စကားတွေ ပြောနေတာလဲ .. သရဲလား .. ” ကြောက်ကြောက်နဲ့ ပြန်မေးရတယ်
“ အာ .. ဘယ်ကလာ သရဲရမှာလဲ .. laptop စောင့် ဘီလူးဟ.. သရဲမဟုတ်ဘူး .. ”
ဟင် .. laptop စောင့် ဘီလူးတဲ့ .. ကြားလဲ မကြားဖူးဘူး .. ဘာတွေ ဖြစ်ကုန်ပြီလဲ
“ အာစရိ .. အာလာဒင်အကြောင်းကို ဖတ်ဖူးတယ် မလား .. ”
“ အင်း ဖတ်ဖူးတယ်လေ .. ”
“ အဲဒါနဲ့များ ကျုပ်ကိုမြင်တာနဲ့ လန့်နေရသေးတယ် .. ကျုပ်လဲ အာလင်ဒင်ရဲ့ မီးခွက်စောင့် ဘီလူးလိုမျိုးပဲ
  ဘာမှမကြောက်နဲ့ .. ကျုပ်ကို အခုလို ပါဝါမီးလင်းအောင် လုပ်ပေးတဲ့အတွက် .. အာစရိကို အရမ်းကျေးဇူးတင်တယ်
  ကျုပ်မှာ ပါဝါမီး မမြင်ရတာ နှစ်တော်တော်ကြာနေပြီ .. ကဲ .. အာစရိ .. ကျေးဇူးဆပ်တဲ့အနေနဲ့ နည်းပညာနဲ့ပက်သက်ပြီး
  ကြိုက်တဲ့ဆုတောင်းဗျာ .. ကျုပ်က laptop စောင့်ဘီလူးဆိုတော့ .. နည်းပညာနဲ့ပက်သက်တာပဲ ပေးလို့ရတယ်
  အာစရိတောင်းတာကို ပေးပြီးရင် ကျုပ်က ကိုယ့်ကိုကိုယ် uninstall လုပ်ပြီး လစ်လို့ရပြီ ..
  အစက ကျုပ်လဲ အပြစ်ပေးခံရမယ်ဆိုလို့ .. အာလာဒင်ရဲ့မီးခွက်စောင့်ဘီလူးလို မီးခွက်ပဲ စောင့်ရမယ်မှတ်တာ ..
  ဘယ်ဟုတ်မလဲ .. ကျုပ်အပြစ်က ကြီးတော့ .. အထက်လူကြီးတွေက laptop ထဲ ထည့်ပစ်လိုက်တယ်ဗျာ
  နေရခက်လိုက်တာ .. motherboard ဆိုလား ဘာလားပဲ အဲဒီကြားထဲနေရတာ .. ထိုးထိုးထောင်ထောင်တွေနဲ့
  ဟိုဘက်လှိမ့်လဲမရ .. ဒီဘက်လှိမ့်လို့လဲ မရနဲ့ .. အတော် နေရခက်နေတာ ... ပါဝါမီး ပြန်ပွင့်မှ ကျုပ်ရဲ့ကျိန်စာက ..
  ပျယ်သွားမှာလေ .. အခုတော့ ကျိန်စာပျယ်ပြီ .. အာစရိ ခုနက ကလိလိုက်တာ ပါဝါမီးလင်းသွားလို့ .. ကျုပ်လွတ်လပ်သွားပြီ
  ကျုပ်ကိုလွတ်မြောက်အောင်လုပ်ပေးတဲ့ အာစရိကို ကျေးဇူးဆပ်တဲ့အနေနဲ့ .. လိုချင်တဲ့ဆု သုံးခုတောင်း ကျုပ်ပေးမယ် .. ”
  ဘီလူးကြီးက သူ့အဖြစ်ကို ရှင်းပြတယ် .. ကျွန်တော်လဲ အဲဒီတော့မှ သေချာသဘောပေါက်တော့တယ်
.......................................
နည်းပညာနဲ့ပက်သက်ပြီး လိုရာဆုသုံးခုတောင်းတဲ့ ... ဘာတောင်းရင်ကောင်းမလဲ
ဟုတ်ပြီ .. ကျွန်တော် အရမ်းလိုချင်တဲ့ ပစ္စည်းတွေရှိတယ် .. Appleက ထုတ်တဲ့ i device တွေအားလုံးပဲ
i device တွေ ကိုင်ချင်လိုက်တာမှ လက်ကိုယားနေတာပဲ .. ခုချိန်ထိ တစ်ခုမှကို မကိုင်ဖူးဘူး
အော် သိလား .. ကျွန်တော် အိပ်ရာဝင်ခါနီးတိုင်း ဘုရားမှာ ဆုတောင်းတာလေးတစ်ခုရှိတယ်ဗျ ..
“ Apple မှထုတ်သော ပစ္စည်းများအား ပိုင်ဆိုင်နိုင်သောသူ ဖြစ်ရပါလို၏  ” လို့ အမြဲဆုတောင်းနေတယ်
ခုတော့ ဆုတောင်းပြည့်ပြီ .. ကဲ လာထား .. ပထမဆုကို ဒီလိုတောင်းလိုက်မယ် ..
“ ယနေ့အချိန်ထိ Apple ကထုတ်တဲ့ ပစ္စည်းတွေအားလုံး လိုချင်တယ်ဗျာ ” .. တောင်းလိုက်ပြီဗျို့
“ အာစရိတောင်းသောဆုနဲ့ ပြည့်စေသတည်း .. လာလေရော့ .. i device တွေ .. ” .. . “ ဖုန်း .. ”
ကျွန်တော့် ဘေးပတ်ပတ်လည်မှာ မီးခိုးငွေ့တွေ “ ဖုန်း ” ဆိုတဲ့အသံကြီးနဲ့အတူ ထွက်လာတယ်
ဟာ .. ကြည့်ပါဦး .. ကျွန်တော့်အခန်းတစ်ခုလုံး i device တွေနဲ့ ပြည့်နေတာပဲ .. အောင်မလေးဗျာ ..
i pod မျိုးစုံ .. i touchမျိုးစုံ .. i pad မျိုးစုံ .. i phone မျိုးစုံ .. mac book .. mac book air  .. အာ .. အစုံပဲဗျာ.. ပွတာပဲဗျို့
.......................................
“ ကဲ .. အာစရိ .. ဒုတိယဆုတောင်းဗျာ .. ”
ဒုတိယဆုတဲ့ .. ဘာတောင်းရင်ကောင်းမလဲ .. အော် သိပြီ .. လာထား
“ website အားလုံးကိုကြည့်လို့ရပြီး ကမ္ဘာပေါ်မှာ အကောင်းဆုံးနဲ့ အမြန်ဆုံး internet connection လိုင်း ပိုင်ဆိုင်လိုတယ် ”  .. တောင်းလိုက်ပြန်ပြီဗျို့
“ အာစရိ လိုချင်သော ဆုနဲ့ ပြည့်စေသတည်း  ” .. “ ဖုန်း ”
ဘာရမလဲ .. ကျွန်တော် ချက်ချင်း wifi ဖွင့်ပြီး စမ်းကြည့်တာပေါ့..
အောင်မလေးဗျာ .. မြန်လိုက်တာမှ .. ဖွင့်လိုက်တာနဲ့ အကုန်ပေါ်ပဲ .. youtube ဖွင့်ကြည့်တယ် .. loading လုံးဝမပြဘူး
ဘယ် website ကြည့်ကြည့် အကုန်ပွင့် .. အဟား .. ပွတာပဲဗျို့ ..
.......................................
“ တတိယမြောက် ဆုကို တောင်းပါ အာစရိ .. ” ဘီလူးကြီး လစ်ချင်နေပြီ ထင်တယ်
ကျွန်တော်လဲ အချိန်ဆွဲမနေတော့ပဲ .. တတိယမြောက်ဆုကြီးကို ဒီလို တောင်းလိုက်တယ်ဗျာ
“ ကျွန်တော် စိတ်နဲ့ခိုင်းတာမှန်သမျှ အကုန်လိုက်လုပ်ပေးသော .. program တစ်ခု လိုချင်ပါတယ် ”
ဘီလူးကြီး မျက်လုံးပြူးသွားတယ် .. “ အာစရိ .. ကျုပ် သိပ်နားမလည်ဘူး .. ဘယ်လို program မျိုးလဲဗျ ”
“ အော် .. ကျွန်တော့်စိတ်ကနေ လုပ်ခိုင်းလိုက်တာမှန်သမျှ .. အကုန်လိုက်လုပ်ပေးတဲ့ program လေ ..
  ဥပမာဗျာ .. ကွန်ပျူတာမှာ ရိုက်ချင်တဲ့စာတွေကို စိတ်ထဲမှာပဲတွေးပြီး စိတ်ကနေ ရိုက်စမ်းလို့ အမိန့်ပေးလိုက်ရင်
  အဲဒီ program က စာရိုက်တဲ့ program ဖြစ်သွားပြီး .. ကျွန်တော် စိတ်နဲ့ရေးခိုင်းသမျှစာတွေကို အကုန်လိုက်ရေးပေးတဲ့ဟာမျိုး ..
  mind control နဲ့ command ပေးလိုက်ရင် ..အကုန် လိုက်လုပ်ပေးတဲ့ program မျိုးကို ပြောတာ ... တစ်နည်းပြောရရင်
 လိုတရ program ပေါ့ဗျာ .. ဘယ်လိုလဲ သဘောပေါက်ပြီလား .. အဲဒီ program မျိုး ဖန်ဆင်းပေးလို့ရမလား ”
“ ဟာ .. ရတာပေါ့ .. အိုကေ .. အာစရိတောင်းတဲ့ဆုနဲ့ ပြည့်စေသတည်း ” .. “ ဖုန်း ”
ကျွန်တော့်ရှေ့မှာ DVD တစ်ချပ် ရောက်လာတယ် ... DVD အချပ်ပေါ်မှာ စာရေးထားတယ် .. “ လိုတရ program ” တဲ့
ဘာရမလဲ .. ကျွန်တော်လဲ ချက်ချင်း install လုပ်ပြီး စမ်းကြည့်တာပေါ့ ..
ကျွန်တော့်ကွန်ပျူတာထဲက desktop ပေါ်မှာ icon လေးတစ်ခုပေါ်လာတယ် .. အမယ် .. icon ပုံလေးက ဘီလူးမျက်နှာကြီးက ပြုံးပြနေတဲ့ပုံဗျ
icon ပေါ်ကို mouse နဲ့ထောက်ကြည့်လိုက်တော့ .. “ လိုတရ program ” လို့ပေါ်နေတယ်
ကျွန်တော်လဲ စိတ်ထဲမှာ ဒီလို command ပေးလိုက်တယ် ..
“ လိုတရ program ပွင့်စမ်း .. ပြီးရင် .. စာရိုက်မယ် .. ဘာစာလဲဆိုတော့ .. ဘီလူးကြီး ဘီလူးကြီး အရမ်းချစ်ဖို့ကောင်းတဲ့ဘီလူးကြီး .. အဲလိုရိုက်စမ်း ”
စိတ်ထဲမှာ အမိန့်ပေးလိုက်တယ် .. အယ် .. တကယ်ကို စာရိုက်တယ်ဗျ.. ကျွန်တော် တွေးတဲ့အတိုင်းရိုက်တာ .. အဟား ... ပွပြန်ပြီဗျို့
လာထား အလုပ်တွေ .. အေးဆေးလေး ကော်ဖီသောက်နေပြီး ကျွန်တော့်အလုပ်တွေကို စိတ်နဲ့ပဲ ခိုင်းတော့မယ် .. ဟန်ကျတာပဲ
.........................................
“ ကဲ ... အာစရိတောင်းတဲ့ဆုတွေလဲ ကျုပ် ပေးပြီးပြီ .. ဒီတော့ .. ကျုပ် လစ်တော့မယ် ”
“ ကောင်းပါပြီ .. ဘီလူးကြီး .. ဆုတွေပေးခဲ့လို့ ကျေးဇူးတင်ပါတယ်ဗျာ .. ”
“ ရပါတယ်ဗျာ .. ကျုပ်ကို လွတ်မြောက်အောင်လုပ်ပေးတဲ့အတွက် ဒီလောက်တော့ လုပ်ပေးရမှာပေါ့ .. ကဲ သွားပြီဗျို့ .. ”
ဘီလူးကြီးရဲ့ မျက်နှာကြီးက screen ပေါ်ကနေ တဖြည်းဖြည်းနဲ့ ပျောက်သွားတယ် .. နောက်ဆုံး screen မှာ ဘာမှမလာတော့ဘူး
ပါဝါမီးလေးကလဲ မှိတ်တုပ် မှိတ်တုပ် လေး ပြန်ဖြစ်သွားပြီး .. နောက်ဆုံး .. လုံးဝပိတ်သွားတယ်
သွားပြီ .. ဘီလူးကြီး လစ်သွားပြီ .. ကျွန်တော် ပါဝါမီးကို ပြန်နှိပ်ကြည့်တယ် .. အဟီး .. မလင်းတော့ဘူးဗျ
ကျွန်တော့် laptop ဘိုးအေကြီးက အခုမှ တကယ့်ကို classic ကြီး ဖြစ်သွားပြီ
ဒါပေမဲ့ .. တကယ် တန်တယ်ဗျာ .. ငွေ နှစ်သောင်းနဲ့ .. ပြန်ရလိုက်တဲ့ဟာတွေက ခင်ဗျားတို့ မြင်တဲ့အတိုင်းပဲ

ကဲ .. ခင်ဗျားတို့လဲ IT အဟောင်းဈေးကို ရောက်လို့ ..
laptop classic ကြီးတွေများတွေ့ရင် .. ၀ယ်လိုက်နော် ..
အထဲမှာ ဘီလူးကြီး ရှိချင်ရှိနေမှာ .......


                                  
                             မင်းယုမာန် ( 24.9.2011 / 5:10 pm )
( အခု တင်လိုက်တဲ့ ပို့စ် ကို လိုတရ program သုံးပြီး စိတ်နဲ့ ရေးလိုက်တာဗျ .. မယုံရင် ပုံပြင်မှတ် )